Sot, më 15 shkurt të vitit 2022, në fshatin Shemshovë të Tetovës u mbajtën homazhe në përkujtim të jetës dhe veprës së Abdilaqim Ademi, me rastin e 4 vjetorit të ndarjes së tij nga jeta.
Në homazh po merr pjesë kreu i BDI, z. Ali Ahmeti, zv. kryeministër i parë, Artan Grubi dhe bashkëpunëtorë të tjerë si dhe familjarë të të ndjerit Abdilaqim Ademi.
Postimi i kryetarit të BDI-së, Ali Ahmerti në FB:
U bënë sot plot katër vite pa mikun dhe bashkëveprimtarin tonë Abdilaqim Ademi.
I ruaj me mall si kujtim vitet e punës që i kaluam bashkë, kontributin dhe angazhimin e tij të sinqertë në Bashkimin Demokratik për Integrim për zbatimin e vlerave të barazisë, përfaqësimit të drejtë dhe faktorizimit të zërit të shqiptarëve në vend.
Instituti “Abdilaqim Ademi” do të vazhdojë të ruajë gjurmët e punës së tij të palodhshme ndër shumë gjenerata. /Open-TV/