13 shkurt – Iljasa Ahmeti, një simpatizues i flakt i ish KF Mërgimit nga Kumanova (viteve të 90-ta) gjatë një vizite te vëllai i tij, Shaqir Ahmeti në Ludwigshafen të Gjermanisë, rastësisht ka takuar dy ish-futbollistët e njohur të asaj kohe, Borçe Stojçevski që luante për Bashkimin e Kumanovës dhe Muhamed Mustafiç, i cili luante për Mërgimin, shkruan Open-TV.
Iljasai gjatë një rrëfimi për Open-TV ka treguar për emocionet e atij takimi.
“U takuam në Gjermani në Ludwigshafen. Me Borcen, Muhamedin dhe Shaqën, vëllain tim, folëm për të kaluaren e tyre kur kanë luajtur për Bashkimin dhe Mërgimin. Për derbin e Ligës së tretw-grupi Veri, Mërgimi-Shkëndija, derbi që nuk harrohet. Muhamedi kujtoi një moment të paharrueshëm dhe më të vështirë, kur në ndeshjen derbi Mërgimi-Shkëndija atij iu kishte besuar ta gjuaj penalltinë dhe e kishte realizuar”, rrëfen Iljasai nga Kumanova.
“Shaqa jeton këtu prej vitit 1998. Me Mustafiçin kanë luajtur bashkë në Mërgim, ndërsa me Borcen jetojnë afër këtu në Gjermani. Muhamed Mustafic kishte ardhur për punë sezonale dhe rastësisht u takuam. Me të tre evokuam kujtime nga e kaluara, për ato vite që nuk kthehen në Kumanovë, të cilat Muhamedi nuk i harrojke. Ishte mërzit për Rikin dhe Agën Qenan”, përfundon rrëfimin emocionues Iljasa Ahmeti nga Kumanva. /Open-TV/