Kryetari i komunës së Tetovës, Bilall Kasami ka njoftuar përmes një postimi në profilin e tij në FB se është sanuar defekti në linjën e ujësjellsit që vinë nga Leshnica.
“Pas nje defekti disa ditor, sot ekipi i Ndërmarrjes Publike Komunale e përfundoi sanimin e gypit dhe tanimë nëpër shtëpitë e qytetarëve vetëm se ka filluar të arrijë uji” shkruan kreu i Tetovës, Kasami.
Kasami falënderoi punonjësit e NPK-së për angazhimin e tyre të pa kursyer për të kthyer në funksion linjën e Leshnicës në këto kushte klimatike ku temperaturat janë nën zero.
“Falënderoj punonjësit e NPK‐së që nuk u ndalën aspak duke punuar vazhdimisht në temperatura tejet të ulëta për sanimim e saj. Defektet e këtilla shpresoj të mos na përsëriten më.
Të dashur qytetarë, ju falemnderit për durimin dhe mirkuptimin!” ka shtuar BIlall Kasami.