Denver Nuggets është kampioni i NBA-së për këtë sezon.
Skuadra e Mickael Malones mundi me rezultatin 94-89 Miami Heat në finalen e pestë dhe e çoi serinë e ndeshjeve në 4-1, duke u shpallur për herë të parë në histori kampion në elitën e basketbollit amerikan.
Ylli i këtij takimi ishte Nikola Jokiç. Serbi shënoi 28 pikë, 4 asiste dhe 16 topa në tabelë.
Gjithashtu serbi mori dhe titullin MVP për finalet, pas një sezoni fantastik që kaloi.
Nugggets e dominuan këtë sezon nga fillimi, duke u renditur në vendin e parë në Konferencën e Perëndimit dhe më pas duke u shpallur kampion në këtë konferencë.
Sa i përket finales së madhe, Nuggets nuk i dha asnjë mundësi Miamit, me këtë të fundit që arriti të fitonte vetëm një takim, edhe pse erdhi si surprizë deri këtu, pasi u rendit në vendin e tetë në Konferencën e Lindjes. © SYRI.net
