Dy pikët e humbura xhiron e kaluar ndikuan negativisht në rrugëtimin e Shkupit drejt mbrojtjes së titullit, por pas analizës së arbitrimit u dëshmua se ekipi i Shkupit në ndeshjen ndaj Tikveshit është dëmtuar direkt nga arbitri për një penallti të mohuar.
Para ndeshjes ndaj Bregallnicës, për faqen zyrtare të Shkupit ka folur mesfushori Ali Adem:
– Do të jetë ndeshje tepër e vështirë për ne, por besoj se në Çair fitorja do të jetë e jona dhe do të harrojmë ndeshjen e fundit me Tikveshin. Jemi maksimalisht të fokusuar dhe të motivuar për fitore, sepse nuk kemi të drejtë të humbim pikë, përndryshe çdo rezultat tjetër për ne do të jetë dëshpërues. (Euforia)