Pas fitores 1-0 të Barcelonës ndaj Real Sociedad, katalanasit u ngjitën në vendin e dytë në ligën spanjolle dhe shtynë festën e Real Madridit për titullin kampion së paku deri më 30 prill.
Titulli është larg për Barçën, kështu që tani synimi i tyre është të jenë të paktën në vendin e dytë. Barcelona pati një vonesë të madhe në pjesën e parë të sezonit dhe më pas ndërroi trajnerin, solli disa përforcime, disa nga të lënduarit u shëruan, kështu që nisën të rreshtonin rezultatet që prisnin.
Veterani brazilian Daniel Alves, i cili gjithashtu iu bashkua në janar, beson se lideri Real Madrid, të cilin e mundën 4-0, ishte me fat.
“Ne erdhëm vonë, prandaj tani po luftojmë për vendin e dytë. “Real Madridi ishte me fat që ne nuk erdhëm te Barça më herët, por kjo është jeta”, tha lojtari më me shumë trofe në histori.







