5 shkurt 2022 – Prej dje e deri më 20 shkurt në Pekin do të zhvillohen Lojërat e 24-ta olimpike dimërore. Të premten pasdite u bë hapja ceremoniale, e cila ishte fantastike, shkruan Open-TV.
Maqedonia do të përfaqësohet me tre sportistë: Stavre Jada, Ana Cvetanovska dhe Dardan Dehari. Ky i fundit mbante në dorë flamurin e Maqedonisë. Dehari do të në prezantojë në disiplinat alpike, sllallom dhe sllallom i madh, ndërsa do të paraqitet më 13 dhe 16 shkurt.
Kusheriri i Dardanit, Eshtref Dehari, ish-futbollist, për Open-TV rrëfen emocionet e ditës së hapjes së lojërave olimpike dimërore. Ai thotë se është shumë krenar që djali i axhës së tij merr pjesë në garën më të madhe botërore.
Eshtrefi thotë se Dardanit iu është realizuar ëndrra e madhe për pjesëmarrje në olimpiadë.
“S’ka ku shkon më mirë, zemra mal na është bërë. Jam gëzuar për Dardanin se këtë ëndërr e kishte edhe në Lojërat Olimpike që kaluan, ku për pak nuk arriti. Megjithate, ai nuk u dorëzua dhe vazhdoj, duke e plotësuar dëshirën e tij të madhe të garoj në gara botëore. Atë ditë që e përcollëm në aeroport i uruam fat dhe suksese”, deklaroi për Open-TV, Eshtref Dehari, i cili është dy vjet më i ri se Dardani.
“Z’di kur ndalem dhe mendoj se në cfarë niveli do të garoj, kjo më bënë të ndjehem krenar që gjithë jetës saherë që të më kujtohet do të na n’gjallë emocionet të njëjta”.
“Bile sot duke ndejtur me shoqëri më pyetën për Dardanin. Me të vërtetë të bën të ndjehesh krenar kur fillon ta prezantosh”, përfundoi Eshtref Dehari, i cili është në foto me Triumfin, djalin e Dardanit.
Urojmë që Dardani të triumfojë në Pekin dhe më pas të festoj bashkë me Triumfin, djalin e tij të vogël.
Lojërat e 24-ta olimpike dimërore do të zhvillohen deri më 20 shkurt./Open-TV/
