Moti sot do të jetë me diell me vranësira të vogla, në pjesën veriperëndimore dhe perëndimore do të ketë vranësira mesatare, të cilat deri në fund të ditës do të rriten dhe zgjerohen në pjesët tjera, përcjell TV21. Gjatë natës, në pjesët veriperëndimore do të ketë reshje të dobëta lokale shiu dhe bore. Në pjesët lindore do të fryjë erë e lehtë deri mesatare nga drejtimi veriperëndimor.
Temperaturat minimale do të lëvizin në intervalin -11 deri në -2, kurse maksimalja 4 deri në 13 gradë Celsius.
Në Shkup pritet mot me diell dhe vranësira të vogla, ndërsa pasdite me vranësira mesatare. Do të fryjë erë e lehtë deri mesatare. Temperatura minimale do të zbresë deri në -6, ndërsa ajo maksimale do të arrijë në 6 gradë Celsius.