Skuadra e Interit do të përpiqet të arratiset në renditje dhe të t’i shohë nga larg ndjekësit e tij.
Milani, nga ana tjetër, do ta mbajë të hapur betejën e titullit në Serie A. Derbi i 176-të i Milanos do të përballë dy sulmet më nxitëse të kampionatit italian. Inzagi do të duhet të heqë dorë nga Korrea dhe Gosens, ndërsa Pioli nuk do të mund të llogarisë te Zlatan Ibrahimoviç dhe Rebiç.
“Është një lojë shumë, shumë e rëndësishme, por nuk është vendimtare. Ne e dimë se çfarë do të thotë derbi. E përsëris: janë ende 45 pikë në dispozicion. Në derbi nuk ka kurrë favoritë, sigurisht që do të të jetë një ndeshje e vendosur nga episodet. Ne duhet të jemi të mirë për t’i trajtuar episodet në mënyrën e duhur. Motivimi mund të bëjë ndryshimin,” tha mes tjerash Inzagi.
Pioli është i vetëdijshëm se për kuqezinjtë derbi përfaqëson një nga mundësitë e fundit për të zhdukur diferencën me kreun e renditjes.
“Është një derbi që peshon shumë, ne e dimë. Po luftojmë për një renditje shumë të lartë, pastaj nëse është Champions apo diçka tjetër, kjo do të thotë se jemi sërish konkurrues. Interi është në një rrugë shumë të rëndësishme.
Që ne kemi pasur një rënie është e vërtetë, por e di se kam një ekip të fortë, lojtarë të bashkuar dhe kompaktë. Pra, mund të bëjmë akoma shumë mirë. Do të duhet të jemi më të uritur se herët e tjera,” tha mes tjerash Pioli.
Përballja derbi në mes Interit dhe Milanit do të zhvillohet në San Siro, në orën 18.00.
