Distria Krasniqi, kampione olimpike, ka fituar “Grand Prixin” e Portugalisë, duke sjellë kështu një tjetër medalje ari në Kosovë.
Ajo mposhti në finale kroaten, Ana Viktorija Puljiz.
Vitin e kaluar, Krasniqi kishte fituar medalje të artë në Lojërat Olimpike, që u zhvilluan në Tokio të Japonisë.
Më 18 dhjetor, 2021, Krasniqi u shpall xhudistja më e mirë në botë nga Federata Ndërkombëtare e Xhudos.
Përzgjedhja e saj u bë përmes një votimi të organizuar nga Federata Ndërkombëtare e Xhudos.
