Një sukses të madh e kanë arritur mundësit e Maqedonisë së Veriut në turneun e fortë ndërkombëtar në Bukuresht të Rumanisë, duke fituar dy medalje të arta.
Fati Vejseli ishte më i miri në kategorinë deri në 70 kg.Ai arriti medaljen e artë me tri fitore ndaj Khomadov nga Turkmenistani (2-2) dhe ndaj moldavëve Tsirilov (4-2) dhe Satsultan (10-0).
Ky sukses i tij është një paralajmërim për një sukses të ri në Botërorin e Beogradit muajin e ardhshëm.
Në kategorinë deri në 61 kg, Vladimir Egorov zuri vendin e parë me katër fitore, në raundin e parë mposhti Daniel Popov nga Izraeli 7-0, pastaj triumfoi 3-0 ndaj Georgi Vangelov nga Bullgaria, në gjysmëfinale fitoi 4-2 ndaj Eloyan Armand nga Franca. dhe në finale mundi Igor Cicion nga Moldavia me 2-1.
