23 prill – Mbrëmë (e premte) një tërmet i fortë goditi territorin e BeH. Tërmeti ka qenë me magnitudë 6 ballë të shkallës Rihter, shkruan Open-TV.
Pasojat më të mëdha i kanë ndjerë Mostari dhe Stolaci. Në këtë të fundit ka lënë të vdekur një vajzë. Tërmeti është ndjerë edhe në Mal të Zi, Shqipëri dhe Maqedoni të Veriut.
Sot në mëngjes Open-TV kontaktoi ish-futbollistin e Bashkimit të Kumanovës dhe të Renovës, Nermin Fatiç, i cili u shpreh se tashmë gjendja është stabilizuar dhe janë shëndoshë e mirë.
“Sot situata është normaizuar. Mirë është, gjithçka në rregull. Nuk ka pasur tërmete të reja. Në Stoce ka ndërruar jetë një vajzë, ndërsa prindërit e saj janë lënduar. Ngushëllime familjes. Në Mostar dhe Stoce ka pasur dëme materiale, kurse në Sarajevë dëmet janë minimale, nuk ka pasur diçka serioze”, deklaroi Nermin Fatic për Open-TV, duke na falënderuar për interesimin.

Ai më pas rrëfeu për tërmetin e fuqishëm që ndodhi mbrëmë:
“Mbrëmë ka pasur dridhje të fuqishme në BeH, mirëpo në vendin ku jetoj unë në Sarajavë mendoj se nuk ka qenë shumë. Pjesa e Hercegovinës ka qenë e goditur më shumë. Tërmeti i parë ka zgjatur sigurisht një gjysmë minuti, ndërsa më pas pati disa tërmete por me intenzitet të dobët”, theksoi ai.
Në fund nuk e la pa pyetur për qytetin e Kumanovës dhe KF Bashkimi.
Nermin Fatic aktualisht i stërvit fëmijët në FK Unis./Open-TV/








