Dhjetëra pako hashashi me foto të presidentit rus Vladimir Putin janë gjetur në bregdetin libian pranë qytetit Al-Marg.
Deri më sot janë identifikuar 323 pako me lëndë narkotike. Hetimet po kryhen nga Drejtoria e Përgjithshme e Hetimeve Kriminologjike dhe dyshohet se kanë ardhur nga një skaf që po transportonte ngarkesën e paligjshme dhe është fundosur në zonë për shkak të motit të keq të ditëve të fundit.
Një incident i ngjashëm ndodhi edhe ditët e mëparshme, kur në brigjet libiane, 110 km në lindje të Bengazit, u gjetën shumë pako të mbushura me hashash, por këtë herë me foton e kolumbianit Pablo Escobar. g.v/abcnews.al
