1 tetor 2026-
Një tjetër emër i talentuar po tërheq vëmendjen në portën e Maqedonisë së Veriut U17. Ilan Memeti dhuroi një paraqitje të sigurt dhe me ndërhyrje vendimtare në përballjen ndaj Luksemburgut, duke konfirmuar se bëhet fjalë për një portier me potencial dhe perspektivë, shkruan Open-TV.
Kuqeverdhët e rinj zhvilluan dy miqësore ndaj Luksemburgut në Strumicë, me bilanc prej një fitoreje dhe një barazimi, ndërsa Memeti ishte një prej protagonistëve në ndeshjen e parë, e fituar me rezultat të thellë 4-1.
Memeti u paraqit me shumë siguri në portë, duke qenë i përqendruar gjatë gjithë takimit dhe duke reaguar mirë në momentet kur Luksemburgu kërkonte të rrezikonte portën e kuqeverdhëve.
Qetësia në ndërhyrje dhe vendosmëria në situatat e vështira ishin ndër elementët që karakterizuan paraqitjen e tij.
Për një portier të moshës së tij, paraqitje të tilla në arenën ndërkombëtare janë jashtëzakonisht të rëndësishme.
Memeti nga portierët e famshëm europian admiron
Thibaut Courtois, portier i Real Madridit.
Ai është “gardian” i ri i Lausanne Sport në Zvicër.
Çdo ndeshje me fanellën e përfaqësueses sjell përvojë të re dhe i jep mundësi atij të përballet me kundërshtarë të ndryshëm dhe me situata që e ndihmojnë në zhvillimin e tij.
Sfida e dytë ishte shumë më e ekuilibruar dhe përfundoi me rezultatin 1–1, në një duel ku të dyja skuadrat patën momentet e tyre.







