Kampionia e saposhpallur e botës, Spanja, do të përfitojë një shumë rekord prej 51 milionë dollarësh (rreth 38 milionë funte) pasi mposhti Argjentinën me 10 lojtarë në finalen e Kupës së Botës të dielën.
Goli i Ferran Torres në minutën e 106-të i siguroi “La Rojas” titullin e dytë kampion bote, pas një fitoreje të vështirë 1-0 ndaj Argjentinës së drejtuar nga Lionel Scaloni.
Finalja në New Jersey nuk ishte spektakli që shumë prisnin, pasi të dyja skuadrat hasën vështirësi gjatë lojës. Megjithatë, Argjentina mbeti me një lojtar më pak në kohën shtesë, kur Enzo Fernandez u ndëshkua me kartonin e dytë të verdhë pas një ndërhyrjeje ndaj Pau Cubarsit.
Nga ai moment, skuadra e Luis de la Fuentes mori kontrollin e plotë të ndeshjes dhe e çoi qetësisht drejt triumfit.
Vetëm pjesëmarrja në finale u garantonte secilit prej 26 futbollistëve të Spanjës një shpërblim prej pak më shumë se 550 mijë dollarësh (rreth 408 mijë funte) para tatimeve, sipas raportimit të gazetës AS.
Pas fitimit të trofeut, kjo shumë u rrit ndjeshëm, pasi lojtarët do të marrin 45 për qind të fondit prej 51 milionë dollarësh. Kjo do të thotë se secili prej 26 futbollistëve spanjollë do të përfitojë rreth 940 mijë dollarë (afërsisht 699 mijë funte) para tatimeve.
Nga ana tjetër, Argjentina do të arkëtojë 34 milionë dollarë (rreth 25 milionë funte) si nënkampione e botës. Deri më tani nuk është bërë e ditur se si do të shpërndahet kjo shumë mes lojtarëve të saj.
Shpërblimet financiare sipas renditjes në Kupën e Botës 2026
Kampione – Spanja: 51 milionë dollarë (38 milionë funte)
Nënkampione – Argjentina: 34 milionë dollarë (25 milionë funte)
Vendi i tretë – Anglia: 30 milionë dollarë (22 milionë funte)
Vendi i katërt – Franca: 28 milionë dollarë (20 milionë funte)
Vendet 5–8
Zvicra
Norvegjia
Belgjika
Maroku
Shpërblimi: 20 milionë dollarë (14 milionë funte) secila.
Vendet 9–16
Kolumbia
Egjipti
Shtetet e Bashkuara
Portugalia
Meksika
Brazili
Paraguai
Kanadaja
Shpërblimi: 16 milionë dollarë (11 milionë funte) secila.
Vendet 17–32
Gana
Algjeria
Australia
Kepi i Gjelbër
Austria
Kroacia
Bosnja dhe Hercegovina
Senegali
Republika Demokratike e Kongos
Ekuadori
Suedia
Bregu i Fildishtë
Holanda
Gjermania
Japonia
Afrika e Jugut
Shpërblimi: 12 milionë dollarë (8 milionë funte) secila.
Vendet 33–48
Uruguai
Skocia
Koreja e Jugut
Irani
Uzbekistani
Iraku
Arabia Saudite
Curaçao
Çekia
Katari
Panamaja
Jordania
Tunizia
Zelanda e Re
Haiti
Turqia
Shpërblimi: 10 milionë dollarë (7 milionë funte) secila.
Në total, këto shpërblime përbëjnë 703 milionë dollarë nga fondi i përgjithshëm prej 871 milionë dollarësh që FIFA ka ndarë për Kupën e Botës 2026. 168 milionë dollarët e mbetur shpërndahen mes të gjitha kombëtareve pjesëmarrëse, pavarësisht rezultateve të arritura në turne./GazetaExpress/
