Ish-reprezentuesi i Argjentinës, Javier Zanetti, beson se Lionel Messi nuk është lojtari më i mirë i të gjitha kohërave.
Media të shumta bënë të ditur se me fitimin e Kupës së Botës, Messi e ka kaluar legjendarin Diego Armando Maradona dhe se tani është lojtari më i mirë i të gjitha kohërave. Megjithatë, Zanetti nuk është dakord.
Ai beson se Maradona dhe Messi nuk janë të krahasueshëm.
“Messi nuk e mundi Maradonën. Nuk më pëlqejnë ato krahasime. Mendoj se duhet të jemi mirënjohës që dy nga lojtarët më të mirë në historinë e futbollit vijnë nga vendi ynë. Unë nuk mendoj se Messi do të ndryshojë. Ai thjesht u bë më me përvojë dhe ai ia kaloi këtë ekipit”, tha Zanetti.
Ish-kapiteni i Gauchos ka theksuar se kjo skuadër përmbushi ëndrrën e miliona argjentinasve.
Kombëtarja na dhuroi emocione të mëdha, sepse e kemi pritur këtë titull për shumë vite. Kjo skuadër përmbushi ëndrrat e miliona tifozëve argjentinas në mbarë botën. Ishte një finale e madhe, të cilën do ta mbajmë mend përgjithmonë”, tha Zanetti. .