Xavi është i vetëdijshëm se kjo “El Clasico” mund ta zgjidhë fatin e titullit të La Ligas për këtë sezon, por nuk dëshiron të ushtrojë shumë presion mbi lojtarët e tij.
Sigurisht, ai pret që ata të luajnë më mirë se në ndeshjen e “Copa del Rey” në “Bernabeu”, në të cilën ata fituan, por nuk dominuan.
Ndeshja – “Ne do të përpiqemi të kemi më shumë dominim se në klasiken e fundit. Do të përpiqemi të jemi shumë më protagonistë se në ‘Bernabeu’, në ndeshjen e Kupës. Mendoj se do të jetë një lojë shumë e diskutueshme, klasiket janë të paparashikueshme. Nuk ka rëndësi si vjen njëri apo tjetri. Kemi punuar në shumë aspekte me kalimin e kohës”.
Pedro – “Dje vuajti pak dhe në këto ndeshje, nëse nuk jeni 100 për qind, më mirë të mos luani. Unë i thashë se nuk ishte e nevojshme të rrezikonte, sepse nuk është një finale.
Ndeshja – “Do të shohim nëse jemi të aftë ta dominojmë lojën. Mendoj se jemi të
aftë ta bëjmë këtë edhe pa Pedri”.
Favoriti – “Unë mendoj se shanset janë 50 me 50 për qind. Mund të jetë pak më
shumë për ne, sepse luajmë në shtëpi”.
Rëndësia e ndeshjes – “Fitorja jonë do të ishte një goditje e madhe për titullin. Nuk do të ishte triumf përfundimtar, por një hap i madh. Do të ketë ende pikë dhe ndeshje të vështira për t’u luajtur”.
“El Clasico” e parë në “Camp Nou” – “Unë jam shumë i motivuar. Jam një tifoz I Barcelonës, shumë i zjarrtë madje. Klasiket më emocionojnë, më motivojnë ekstra. Përveç kësaj, mjedisi është shumë i mirë, kemi një avantazh në kualifikim. Jemi shumë të emocionuar për të treguar veten në shtëpi. Jam veçanërisht i emocionuar dhe i motivuar”.
Araujo – “Ai është shumë i fortë fizikisht, i shpejtë. Ka një mrekulli fizike, i pëlqen të mbrohet, është i përgjegjshëm, një lider. Ai është një mbrojtës i klasit botëror. Do të thoja që është një nga më të mirët në botë dhe ta kesh atë në skuadër është garanci”.
Referenca – “Në Superkupë ne luajtëm shkëlqyeshëm me topin, ndërsa në Kupë pa të. Do të doja të kisha më shumë posedim, më shumë kontroll me topin”. Presioni – “Nuk e kisha menduar. Këtu gjithmonë ke presion për të fituar. Nëse dikush ka pak më shumë presion, janë ata. Këtu ka gjithmonë presion dhe kërkesë llogarie”.
Rafinha – “Më pëlqen, veçanërisht sepse ka një personalitet spektakolar për të luajtur për një ekip të madh si Barça. Ai ka duruar kritikat, ka shumë personalitet dhe kjo na bën mirë të gjithëve. Ne kemi përfituar shumë prej tij, në asiste dhe gola”.
Luajmë mirë pa Pedri – “Ne e kemi bërë këtë, kemi profile të ngjashme lojtarësh. Fituam gjysmëfinalen e Kupës pa të dhe është e vetmja ndeshje në të cilën ne nuk e kemi dominuar lojën. Ndeshjet e tjera kanë qenë të barabarta, ose ne kemi dominuar më shumë”.
Fushata kundër Gavi – “Ka ditë që nuk kam parë ndonjë lajm si ato të një muaji e gjysmë apo dy më parë, në të cilat thoshin se ishte ‘kasap’. Jemi mësuar, le ta mbrojmë futbollistin dhe ta lëmë të luajë me qetësi. Nuk mund të jetë në dijeni të mjedisit dhe asaj që thuhet. Ai është i qetë”.
Fitore 1-0 ndaj Real Madridit – “Çfarë ndodh nëse fitojmë 1-0? Duke pasur parasysh zgjedhjen, unë preferoj 4-0 ose 5-4. Është e vështirë të shënosh gola, skuadrat mbrojnë mirë. Ata që nuk kanë luajtur futboll nuk mund ta kuptojnë se çfarë do të thotë të kesh një kundërshtar të orientuar përpara. Fitorja 1-0 është një rezultat fantastik, i mrekullueshëm. Cili është problemi?”
Përgatitja e “El Clasico” – “Janë faza të ndryshme, nuk ka aq shumë tension si dikur. Tani ka shumë respekt, shumë admirim. Të paktën nga unë ndaj Real Madridit dhe ndaj Ancelottit. Ne do të përpiqemi të fitojmë. Ne e dimë se kemi një mundësi të madhe për të bërë një hap përpara. Jemi shumë të motivuar”.
Real Madridi – “Mendoj se do të jetë më sulmues se zakonisht. Do të jetë ndeshje e mirë për shikuesit. Ne duam ta kontrollojmë lojën më shumë se në ndeshjen e Kupës”.
