Klubi shqiptar nga Mali i Zi, Otrant Ulqin ka zyrtarizuar afrimin e dy futbollistëve nga Maqedonia e Veriut, Suhejl Muharemi dhe Alban Taipi, të cilët do të jenë pjesë e skuadrës për sezonin e ri.
Sulmuesi Suhejl Muharemi vjen nga Rabotniçki, duke sjellë me vete një bilanc mbresëlënës prej 16 golash në elitën e futbollit të Maqedonisë.
Ai ka realizuar gjithashtu një gol në Superligën e Kosovës dhe një tjetër në Kupën e Shqipërisë.
Ndërkohë, Alban Taipi transferohet te Otrant nga skuadra ukrainase FC Kudrivka.
Mesfushori ka shënuar 7 gola në elitën e Maqedonisë dhe një gol në Kupën e Maqedonisë, ndërsa më parë ka realizuar edhe dy gola në Ligën e Dytë të Hungarisë dhe një gol në Kupën e Hungarisë.
Dy futbollistët i janë bashkuar ekipit dhe do të udhëtojnë së bashku me skuadrën drejt Zlatiborit, ku Otranti do të zhvillojë fazën përgatitore për sezonin e ri.
Klubi i ka uruar mirëseardhje dhe suksese dy futbollistëve në aventurën e tyre të re me fanellën e Otrant Ulqinit.
