U luajtën këtë mbrëmje dy ndeshje të vlefshme për 1/8-at e finaleve të Champions League, Inter-Liverpool dhe Salzburg Bayern Munchen, shkruan Syri.net.
Në “San Siro”, Liverpooli arrin një fitore mjaft të vlefshme, duke hedhur një hap drejt kualifikimit në çerekfinale.
Skuadra e Jurgen Klopp fiton me rezultatin e pastër 2-0.
Firmino realizoi i pari në minutën e 75-të, ndërsa Salah dyfishoi shifrat në të 83’.
Me këtë fitore “The Reds” shkojnë të qetë në takimin e kthimit në shtëpi.
Në sfidën tjetër të luajtur në “Red Bull Arena”, Bayern Munchen barazoi 1-1 me Salzburgun.
Austriakët kaluan të parët në avantazh në minutën e 21-të me Adamu, ndërsa bavarezët barazojnë në fund.
Coman në minutën e 90-të shpëton Bayernin nga humbja, teksa do ta kërkojë kualifikimin në fushën e vet në takimin e kthimit./syri.net/