9 maj– Nesër në kuadrin e javës së 32-të të Ligës së parë do të luhet derbi mes Shkëndijës dhe Struga Trim Lum, ndërsa struganët tashmë kanë siguruar titullin kampion të parin në histori, shkruan Open-TV.
Nuk dihet nëse Shkëndija do t’i pres me “roje nderi” kampionët e rinj në stadiumin e qytetit në Tetovë. Kjo mbetet të shihet nesër para fillimit të ndeshjes.
Struga Trim Lum dy javë para përfundimit të kampionatit ka siguruar titullin kampion para Shkupit dhe Shkëndijës.
Struganët kanë 62 pikë, Shkupi 55 dhe Shkëndija 54 pikë.
Ndeshja Shkëndija dhe Struga Trim Lum do të luhet në stadiumin e qytetit në Tetovë me fillim prej orës 17:00, ndërsa do të drejtohet nga arbitri Aleksandar Grujoski. (Open-TV)
