5 shkurt 2022 – Dy skuadrat e Ligave të dyta, Korabi i Dibrës (Grupi i Perëndimit) dhe Bratstvo (grupi i Lindjes) nga Zhitosha e Prilepit sot kanë zhvilluar një ndeshje miqësore në kuadrin e fazës përgatitore para fillimit të sezonit pranveror, shkruan Open-TV.
Ky takim është luajtur në Kërcovë, pasi në Dibër dhe Zhitoshë nuk ka pasur kushte për zhvillimin e një ndeshje të tillë.
Ndeshja ka qenë interesante, ku ekipet demonstruan lojë të shkëlqyëshme. Deri në 15 minutat e fundit të lojës, derisa ekipet po luanin me ekipet bazë që mendojnë të nisin edhe sezonin e dytë, rezultati ishte 2-1 për dibranët, por pas zëvendësimeve që bëri skuadra e Bratstvos, kur futi në lojë disa lojtarë të rinj, Korabi arriti të shënoj edhe dy gola të tjerë dhe ndeshja u mbyll me rezultatin 4-1.
Pranë rezulatit 2-1 ekipi nga Zhitosha pati edhe një shtyllë.
Ndeshja përgatitore është ndjekur edhe nga dy drejtorët sportiv, Eroll Abdiu i Bratstvos dhe Habib Kllobocishta i Koranit, të cilët kanë barrën kryesore në të dyja klubet.
Kampionati në të dyja ligat (Lindje dhe Perëndim) do të fillojë me 19 shkurt. Bratstvo luan me Pobedën në Prilep, kurse Korabi luan mysafir me Teteksin./Open-TV/