Futsal Karadaku ka shënuar fitore si mysafir i Juventus Seravës në Çair me rezultat 5-7, në javën e 12-të të elitës së futsallit vendor, përcjell Open-TV.
Pesë gola për Futsal Karadakun në këtë ndeshje i ka realizuar Egzon Aziri, ndërsa nga një gol e shënuan Shuajb Shukriu dhe Shuajb Mustafi.
Nga Futsal Karadaku bëjnë me dije se këtë fitore i dedikojnë trajnerit Gazmend Bilalli, ndërsa në të njëjtën kohë i urojnw mirëseardhje Besar Avdijit, si trajner i ri.
Futsal Karadaku pas kësaj fitore renditet në vendin e katërt me 17 pikë. Në javën e ardhshme ata do të zhvillojnë derbin me Proekt nga Gjevgjelia që e mbanë vendin e parë./Open-TV/
