Emocione dhe entuziazëm i madh është duke mbretëruar në fshatin Zhegër të komunës së Gjilanit, vendlindjen e Xherdan Shaqirit, shkruan Open-TV.
Kusheriri i tij, Shkodran Shaqiri (ish-hendbollist), thotë se ndeshja me Serbinë do të jetë pak e komplikur, për shkak të rrethanave tashm të njohura, por megjithate pret shumë nga Xherdani dhe Graniti, madje të shënojnë edhe gola kundër Serbisë.
“Është botërori i katërt i Xherdanit. E kemi anëtar të familjes, presim shumë nga Xherdani, Granit dhe Zvicra. Në këtë botëror nuk është vetëm i familjes sonë, por i krejt shqiptarisë. Ndeshja me Serbinë është pak e komplikuar, rrethanat dihen. Ma merr mendja se Shaqiri dhe Xhaka do të shënojnë kundër Serbisë”, deklaroi Shkodran Shaqiri, kusheriri i Xherdanit.
“Derbi” Zvicër – Serbi do të luhet nesër (ora 20:00) në stadiumin “974” në Doha.
Open-TV ju sjell kronikën që e kishte përgatitur një ditë para se të filloj botërori Katar 2022.