10 shkurt – Futbollisti i Besës nga Dobërdolli i Gostivarit për herë të parë përcjell një mesazh pas aksidentit të rëndë me makinën e tij.
Sherif Rexhepi po rikuperohet pas fatkeqësisë që i ndodhi, ku mori lëndime të rënda trupore, dy muaj më parë.
Ai përmes Open-TV falënderon të gjithë njerëzit për mesazhet inkurajuese.
“Dëshiroj që me këtë rastë të falënderojë të gjithë njerëzit që janë përkujdesur për shëndetin tim, pas të gjithë asaj që përjetova në këto gjashtë javë. Në rend të parë Zotin, pastaj familjen time, mjekët Ilir Hasani dhe Shasivar Qerimi që morën përsipër operimin tim të rënd në shpinë, shokët, miqtë, kryesinë e KF Besa, bashkëlojtarët. I kalova me sukses dy operimet, ku kam qëndruar gati pesë javë në spital”, deklaroi për Open-TV Rexhepi, djaloshi nga Tetova.
Ai është i kënaqur me rikuperimin pas operacionit dhe se ajo më shumë do ta përforcojë.
“Tani jam në fazën e rikuperimit, po bëj terapi. Falë Zotit operimi kaloi me sukses dhe mjekët janë zotuar se në fushë do të rikthehem pas një viti. Do të kthehem edhe më i fortë. Më vjen keq që nuk mund ta ndihmojë Besën në sezonin pranveror, por shpresoj se edhe pa mua do ta sigurojnë mbetjen në ligën e dytë-grupi i Perëndimit, sepse e meritojmë”, u shpreh Rexhepi.
Sherif Rexhepi sot feston ditëlidjen e tij të 23-të.
“Po sot e kam ditëlindjen, i kam mbushur 23 vite jetë. I falënderojë të gjithë shokët që gjetën kohë për të më uruar ditëlindjen. Ua kthefsha me të mira”, përfundoi Sherif Rexhepi në intervistën e parë pas operimit për Open-TV.
Edhe Open-TV i uron ditëlindjen me dëshirën për rikthim të shpejtë në fushën e blertë.
