Albulen Imeri është rikythyer në klubin ku e ka filluar karrierën. 24-vjecari nga sot është pjesë e KF Vëllazërimi 1977 nga Kërçova, shkruan Open-TV.
Sulmuesi i rrezikshëm ka luajtur për skuadrën kërçovare nga viti 2014 deri në vitin 2021. Në ndërkohë, ka qenë pjesë edhe e Korabit, Gostivarit dhe Arsimit.
“Jam rikthyer për ta ndihmuar Vëllazërimin që të rikthehet në Ligën e dytë, aty ku e meriton si klub me kushte fantastike për futbollin tonë. Tani Vëllazërimi mbështetet edhe nga Komuna e Kërcovës dhe kryesia e dikurshme”, deklaroi për Open-TV, Albulen Imeri.
Vëllazërimi është kampion vjeshtor në Ligën e Tretë-Perëndim./Open-TV