Ish-presidenti i Barcelonës, Joan Gaspart, pretendon se Kylian Mbappe ka nënshkruar kontratë me Real Madridin, të cilëve do t’i bashkohet gjatë verës.
Në një intervistë për Marca, ish-presidenti i klubit të famshëm katalanas ka folur për situatën me Ousmane Dembele dhe Kylian Mbappe.
Gazetarët u interesuan se çfarë situate e pret Kylian Mbappe në të ardhmen dhe Gaspart tha me vendosmëri se kontrata me Real Madridin tashmë është nënshkruar.
“Unë do t’ju jap një lajm ekskluziv. Kylian ka nënshkruar për Real Madridin dhe jam i sigurt për këtë sepse e njoh Florentino Perez,” zbuloi Gaspart.
Prej disa kohësh shkruhet se është arritur një marrëveshje dhe se Mbappe vërtet do të mbërrijë në Santiago Bernabeu gjatë verës.
Barcelona, nga ana tjetër, është në telashe me Dembelen, i cili është larg maksimumit të tij dhe dëshironte të largohet nga Camp Nou.
“Për sa kohë që është pjesë e Barcelonës, Dembele duhet të luajë. Ne nuk do të edukojmë askënd dhe duhet të luajë në një farë mënyre. Nëse është në klub dhe nuk luan, atëherë ky është një gabim i madh.” shton Gasparti.
Gaspart ishte në krye të Barcelonës për katër vjet nga 2000 deri në 2004. Ai gjithashtu mbajti disa poste të tjera në klub.