Vokalisti i roc-grupit “Boemët” nga Kumanova, Alisan Memeti-Çuni, ka zbuluar për Open-TV historinë e emrit të grupit të tyre shumë të njohur.
Ai tregon se këtë emër e kanë marrë sipas ëmbëlsirave Boemë që përgatiteshin në ëmbëltoren Caki në Preshevë, e të cilën e vizitonin shpesh dikur kur mbanin koncerte.
“Më kujtohet ishte viti 1989 kur kishim një ftesë për xhirime në televizionin e Maqedonisë-redaksia në gjuhën shqipe, atëherë ishim pa emër dhe ashtu me shokët u menduam ta pagëzojmë grupin ‘Boemët’. Ne në atë kohë mbanim edhe koncerte në Preshevë dhe shpesh shkonim te ëmbëltorja Caki në Preshevë, dhe aty kishte ëmbëlsira interesante dhe të shijshme. Si sot e mbajë në mend, na ka shërbyer shumë mirë, pronari ishte shokë shumë i mirë dhe prej aty vendosëm t’ia lëmë emrin ‘Boemët’”, zbulon për Open-TV, vokalisti i grupit “Boemët”, Alisan Memeti-Çuni./Open-TV/
LINKU: https://www.facebook.com/watch/?v=1824042654620320