Dy gjenerata të KF Kumanova 2011 dhe 2012, nën drejtimin e trajnerit, Ismet Zeqiri, janë shpallur kampion të turneut në futboll për gjeneratën 2011 dhe 2012 me pjesëmarrje të 8 ekipeve, që është zhvilluar ditën e shtunë (dje) në Negotino të Kavadarit, shkruan Open-TV.
Gjenerata 2011 e KF Kumanovës i ka fituar të gjitha ndeshjet kualifikuese deri në finale, ku u takuan me ekipin Tikveshit.
“Të gjitha ndeshjet i fituam bindshëm, sepse ishim të përgatitur shumë në aspektin fizik, ku i bëmë ballë edhe vapës së madhe. Deri në finale i fituam 6 ndeshje, kurse lojtar më i mirë te 2011 u zgjodh Endrit Hajrullau, golashënues më i mirë Lorik Daipi”, deklaroi trajneri Ismet Zeqiri, i cili ishte zgjedhur trajner më i mirë.
Ndërsa, sot e diel, gjenerata 2012 ka fituar katër ndeshje dhe një barazim. Në finale e kanë mposhtur Kozhufin me rezultat 3-0. Tek gjenerata 2012 golashënues më i mirë u zgjodh Anik Isifi me 8 gola.
KF Kumanovën tani e pret turneu “Qenan Ameti” në Kumanove dhe turneu “Neëstar Cup” në Shkup. (Open-TV)
