Klubi i shkrimtarëve “Jehona e Karadakut” nga Kumanova ka ngushëlluar familjen Ganiu me rastin e vdekjes së gazetarit dhe shkrimtarit Rrahim Ganiu.
Ata kanë shkruar se Ganiun për shumë vite e kanë pasur si pjesë të tyre në Manifestimin “Takimet Poetike të Karadakut”.
Postimi i plotë:
Me dhimbje të thellë për ndarjen nga jeta të shkrimtarit Rahim Ganiu.
Në emër të Klubit të Shkrimtarëve “JEHONA E KARADAKUT” familjes Ganiu, të gjithë miqve dhe dashamirëve të të ndjerit Rahim Ganiu i’u shprehim ngushëllimet më të sinqerta.
Rahim Ganiu ishte njeriu që shpërndante mirësi e pozitivitet me fjalën e tij, i këndshëm dhe i sinqertë njëkohësisht, sa poet sa filozof, sa i dashur dhe përkushtuar ndaj miqve.
E kishim pjesë tonën për shumë vite në Manifestimin “Takimet Poetike të Karadakut”.
Njerëzit e mirë me shumë vlera artistike si Rahim Ganiu vërtetë janë një humbje shumë e madhe për të gjithë./Open-TV/
