Bunjamin Shabani me skuadrën e tij FC Struga Trim Lum kanë shkruar historinë në futbollin e Maqedonisë së Veriut, duke u shpallur kampione e Ligës së Parë, dy javë para fundit, shkruan Open-TV.
Pas këtij gëzimi të përjetuar dje, kapitenit të skuadrës strugane, Bunjamin Shabani, sot herët në mëngjes i ka ardhur një lajm edhe më i mirë.
“Bunja” është bërë baba për herë të parë. Bashkëshortja e tij ka sjell në jetë një vajzë.
“Po, jam shumë i lumtur për vajzën e porsalindur. Faleminderit Zotit për këtë mrekulli që më solli. Tash pas titullit kampion ardhja e vajzës në jetë është si qershia mbi tortë. Ende nuk ia ka lënë vajzës emrin, do ta zgjedhim një të mirë. Tani shpresojmë të fitojmë edhe kupën dhe të mbyllim me sukses këtë sezon të madh dhe të paharrueshëm për mua me fanellën e Struga Trim Lum”, deklaroi Bunjamin Shabani për Open-TV.
Bunjamin Shabani është 32 vjeçar. (Open-TV)