Skuadra ambicioze e kategorisë së dytë, Voska Sport nga Ohri, ka siguruar përforcimin e parë të madh për pjesën pranverore të sezonit të LDFM. Mesfushori Erdem Adem firmosi deri në fund të sezonit aktual dhe të gjithë sezonin e ardhshëm.
Futbollisti 30-vjeçar ka luajtur për Makedonija GJP, pasi më parë kishte veshur fanellën e Renovës. Ai do të vihet në dispozicion të stafit profesional të Voska Sport në ditët e para të vitit të ri, kur “liqenasit” do të nisin përgatitjet për sezonin pranveror.
Me këtë nënshkrim, Voska Sport njofton se do të luftojë për një vend në dy pozitat e para, që të çon direkt në LPFM.
Pas pjesës vjeshtore të kampionatit në Ligën e Dytë, Voska Sport ka 34 pikë dhe është në vendin e katërt, menjëherë pas Gostivarit, Vardarit dhe Pelisterit.
