Paris Saint Germain i është rikthyer fitoreve në kampionat pas dy barazimeve të njëpasnjëshme.
Parisienët në “Parc des Princes” e mposhtën Brestin me rezultat të pastër 2:0.
Ishte një ndeshje pa dy yjet, Messin dhe Neymarin, por e cila përfundoi mirë për vendasit, shkruan Gazeta Express.
Mbappe kaloi PSG-në në epërsi në minutën e 32-të duke shënuar me një goditje klinike dhe të mençur, që e la pa gjasa portierin kundërshtar.
Në pjesën e dytë e pamë po ashtu një gol. Ishte Kehrer i cili realizoi në minutën e 53-të pas asistimit nga Mendes.
Me këtë fitore, PSG shkon në kuotën e 50 pikëve në vendin e parë, 11 më shumë se Nice e dyta.
Në anën tjetër, Brest gjendet i 13-ti me 25 pikë të grumbulluara. /Gazeta Express/
