10 maj – Nxënësit e shkollës së mesme të gjimnazit “Sami Frashëri” nga Kumanova kanë treguar cilësitë e tyre të larta në garat e sportit shkollor në nivel republikan, duke e zënë vendin e parë, shkruan Open-TV.
Futbollistët e kësaj shkolle pa asnjë problem u stolisën me titullin e kampionit, pasi që në finale mposhtën me rezultat bindës 3-0 (pjesa e parë 2-0) shkollën e mesme komunale gjimnazi “Gjorgji Naumov” nga Manastiri.
Finalja është luajtur sot në stadiumin e qytetit në Manastir, ndëras “hero” i ndeshjes ishte Rexhep Murati, i cili ka shënuar “hat-trick”.
Ekipi ishte mjaft mirë i përgatitur dhe udhëhequr nga profesori i edukatës fizike dhe trajneri i KF Kumanova, Ismet Zeqiri.
Emrat dhe mbemrat e ekipit fitues: Alban Abazi, Fatlum Maksuti, Rexhep Murati, Rraman Asani, Blend Xhemaili, Shpend Xhemaili, Adis Murati, Jeton Fejzulli, Resul Memeti, Admir Limani dhe Shaban Memeti.
Ndryshe, të gjithë këta futbollistë janë pjesë e klubit të futbollit Kumanova. (Open-TV)