Legjenda e futbollit të Kosovës dhe atij kroat, Kujtim Shala ka zbuluar edhe një detaj shumë interesant nga karriera e tij e madhe.
Për Open-TV, ai ka treguar se derisa luante për Dinamon e Zagrebit i kishte ardhur një ofertë për të vazhduar karrierën e tij në Spanjë, te skuadra e Sevillës.
Shala rrëfen se si lëshoi rastin të transferohet te skuadra e njohur spanjolle dhe përse zgjodhi francezët e Rennes.
“Po në vitin 1991 në Kroaci nisi lufta, në Zagreb filluan të sulmohen kazermat e ish-jugosllavisë e mua mu desh që sa më shpejtë të largohem. Në atë kohë kisha dy oferta nga Rennes i Francës dhe Sevilla e Spanjës. Të dy klubet më ofruan kushte të njëjta, por drejtuesit e Rennes u treguan më të shpejtë se ata të Sevillës dhe unë zgjodha Francën.
Nga kjo kohe tani mendoj se jam ngutur pak, sepse të shkoja në Sevillë do të luaja me Maradonën dhe karriera do të ishte edhe më e madhe. Në vend timin te Sevilla pati shkuar Davor Shuker”.
Kujtim Shala sot është 57 vjeç dhe me familjen e tij jetojnë në Mannheim të Gjermanisë.
