1 shkurt 2022 – Futsal Karadaku nga komuna e Likovës dje si mysafir shënoi fitore kundër Creshevo Topce nga Probishtipi me rezultat 3-7, në kuadrin e 1/16-së së finalës së kupës së Maqedonisë në futsall, shkruan Open-TV.
Tani ata janë kualifikuar në 1/8-ën e finales.
Futsal Karadaku e nis keq takimin, duke pranuar një gol, por futsallisti i shkëlqyer i ekipit shqiptar, Artan Junuzi me një gol nga gjuajtja e lirë me këmbën e majtë barazoi rezultatin në 1-1. Ky ishte goli më i bukur në atë ndeshje me shumë gola.
Golat për Futsal Karadaku i shënun: Artan Junuzi (2), Ibrahim Dalipi (2), Sami Alili (1), Jasir Zekiri (1) dhe Egzon Iseni (1)./Open-TV/
