Voska Sport ka barazuar 1:1 në transfertën në Kavadar përballë Tikveshit, duke bërë të qartë edhe njëherë tjetër se janë një skuadër kompaktibile dhe se me kalimin e xhirove po konsolidohen edhe më shumë dhe se tifozët mund të presin gjëra të mira.
Pavarësisht disavantazhit gjatë pjesës së parë, por edhe atij numerik që kishim në fushë në 20 minutat e fundit, Voska Sport bëri një lojë të shkëlqyer, që e kurorëzuam me golin e Marushiçit në minutën e 73-të.
Këtij goli i parapriu një aksion i gjatë me disa pasime të sakta, ku pas harkimit të Stijpevoç, malazezi tjetër Marushiç me kokë shënoi një gol të bukur për barazim të rezultatit në 1:1.
Me këtë gol zhvlerësuan atë të pjesës së parë të shënuar nga ana e vendasve, ndërsa në momentet e fundit kur mund të kërkonin edhe golin e dytë, skuadra duhej të luaj me një futbollistë më pak në fushë, pasi kartoni i dytë i verdhë e largoi nga loja mesfushorin Nikolla Sharkoski.
E gjithë kjo ndodhi në minutën e 82-të, mirëpo vlen të theksohet se pati edhe shumë minuta vazhdime, ashtu që trajneri Radoviç ishte i detyruar të bëjë edhe disa zëvendësime taktike, duke larguar nga loja autorin e golit Marushiç dhe duke futur në lojë mbrojtësin Arlind Aliti, teksa në vend të Valentin Koçoskit, i cili sot debutoi inkuadroi Filip Todorovskin.
Pas 5 xhirove të para, Voska Sport nga 4 ndeshje ka 4 pikë të tubuara dhe renditet në pozitën e 9-të.
Javën që vjen, me 02 shtator, në kuadër të javës së 6-të, në Ohër do të mirëpresin Bregallnicën.
