29 janar 2022 – Futbollistët e Besës nga Dobërdolli i Gostivarit deri tani kanë zhvilluar një ndeshje kontrolluese në kuadrin e përgatitjeve në Durrës, përveç stërvitjeve nga dy herë në ditë. Humbja minimale nga Struga Trim Lum (1-0) nuk e ka shqetësuar strategun Xhengis Rexhepi.
Ai deklaroi se plan programi i përgatitjeve është duke rrjedhur ashtu siç e ka menduar para se të nisen për në bregdetin shqiptar.
Rexhepi thekson se edhe lojtarët janë pak të lodhur nga stërvitjet e mundimshme. Ja intervista e tij për Open-TV.
PËRGATITJET– Njëherësh jemi të kënaqur me angazhimin e futbollistëve, atë që e kërkojmë e kryejnë. Stërvitemi nga dy herë në ditë. Normalisht që janë edhe të lodhur, por i posedojmë të gjithë kushtet. Janë profesionist, pushojnë mirë dhe cdo herë janë të gatshem për stërvitje. Edhe stafi mjekësorë kryen punën në nivel. Jam tepër i kënaqur me angazhimin e futbollistëve.
MIQËSORJA ME STRUGËN – Në ndeshjen miqësore me Strugen kemi treguar lojë shumë të mirë, kemi krijuar raste kundër një ekipi që ka kualitet. Nuk është lehtë të përballesh me ekipe sic janë: Renova, Struga, por ne kemi treguar kualitet. Edhe pse rezultatet janë në plan të dytë, ne duhet të dalim me seriozitet maksimal në çdo takim për ta fituar. Këtu i kemi gtë caktuara edhe dy miqësore. Me 1 shkur kundër Vushtrrisë dhe 3 shkurt ndaj Lirisë së Prizrenit. Me 4 shkurt kthehemi në Gostivar. Besojmë se stinorin pranveror do ta presim të gatshëm.
KUSHTET – Kushtet në hotel dhe stadiumet janë shume të mira. Edhe klima është e ngrohtë. Ekipi e ka marrë formën, por kemi edhe pak punë. E falënderojmë familjen Tahiri për kushtet që na kanë ofruar këtu në Durres, nuk na mungon asgjë. Një ditë kemi pasur pushim dhe kohën e lirë e kemi kaluar duke shëtitur qytetin e bukur të Durrësit.
AMBIENTIMI I PRURJEVE TË REJA – Jemi ekipi i ri për shkak se kanë ardhur shumë përfocime. Na duhet edhe pak punë për tu njohur mes vete. Them se në ekip janë pritur shumë mirë. Ekipi ka karakter njerëzor dhe profesional, kështu që shumë shpejtë janë shoqëruar.
BULETINI SHËNDETËSOR – Sa i përket gjendjes shëndetësore të githë lojtartë gëzojnë shëndet të mirë. Nuk kemi asnjë futbollistë të lënduar, që është më kryesore.
Para se të transferohet në Durrës, KF Besa zhvilloi dy miqësore: E fitoi Teteksin 4-1 dhe barazoi me Renovën 1-1.
KF Besa nga Dobërdolli e ka përfunduar sezonin vjeshtor në ligën e dytë-Perendim në vendin e nëntë (të parafundit) me 13 pikë.