Futbollistët e Bashkimit të Kumanovës, kampion vjeshtor të Ligës së Tretë-Veri, kanë vazhduar përgatitjet për sezonin pranveror, ndërsa në stërvitjen e sotme janë parë edhe disa figura të reja, shkruan Open-TV.
Me zigjelbrit sot kanë ushtruar tre futbollistët e njohur kumanovarë, Armend Alimi, Taulant Seferi dhe Atdhe Kadriu. Këta dy të fundit janë rritur te Milano e Kumanovës, kurse Alimi është formuar si lojtar te Bashkimi, ndërsa më vonë ka qenë pjesë e ekipit të parë të këtij klubi e më vonë edhe në Milano.
Aktualishtë Alimi është pa klub, Seferi është pjesë e Vorskla Poltavës, ndërsa Kadriu luan me Makedonija GJP.
Pas stërvitjes të gjithë së bashku kanë bërë një foto të përbashkët./Open-TV/
