Chelsea mposhti me rezultatin 2-0 Tottenhamin në ndeshjen e javës së 23-të të Premier League, triumfi i tretë i skuadrës së Thomas Tuchel ndaj Spursave në 18 ditët e fundit.
Se kanë një recetë fituese për skuadrën e Antonio Contes, lojtarët e Chelseat e treguan sot dhe arritën në një fitore jashtëzakonisht të rëndësishme, e cila forcoi vendin e tretë.
Pas 45 minutave të para nuk pati gola dhe gjithçka që vlen të përmendet ndodhi në pjesën e dytë, më saktësisht nga minuta e 47-të deri në minutën e 55-të, kur Chelsea realizoi dy gola.
Fillimisht, Ziyech shënoi supergol në minutën e 47-të, teksa mposhti Hugo Lloris me një goditje fenomenale nga jashtë zone dhe vetëm tetë minuta më vonë, Thiago Silva shënoi golin e dytë për ekipin e tij.
Rezultati nuk ndryshoi deri në fund dhe arriti fitoren e 13-të këtë sezon, ndërsa për Tottenham-in kjo ishte humbja e gjashtë sezonale.
Blutë mbeten në vendin e tretë me 47 pikë nga 24 ndeshje të zhvilluara, ndërsa Tottenhami ka mbetur në vendin e shtatë me 36 pikë, por nga 20 ndeshje të luajtura.
Rezultati dhe golashënuesit:
Chelsea – Tottenham 2-0 (Ziyech 47′, Thiago Silva 55′)