Dje Qendra Kulturore Muslimane Shqiptare “Haxhi Zeka” në Namur të Belgjikës organizoi një tribunë fetare për grumbulliminin e mjeteve financiare për fillimin e një xhamie të re, shkruan Open-TV.
Në këtë promovim morën pjesë hoxhallarët e njohur: Dr. Zekirja Bajrami, Mustafë Tërniqi, artisti nga Shqipëria, Mirush Kabashi, ilahistët: Nderim Alimi, Nusret Kurtishi, Nafidan Miftari, moderatori Ermir Hoxha e shumë të tjerë.
Brenda asaj mbrëmjeje janë grubulluar 751.580.00 euro, që do të thotë se shqiptarët në mërgim vazhdojnë të jenë solidarë dhe dorëdhënës.
Ndryshe, në Namyr ekziston një xhami e vogël, por tani kryesia e xhamisë ka përgatitur planin për ndërtimin e një xhamie të re. Trolli është blerë, mirëpo iu kanë munguar mjetet financiare për nisjen e xhamisë. Tani kur janë grumbulluar mjetet dhe kur është nxjerrë plani komuna e Namurit ka dhënë lejen për ndërtimin e xhamisë. (Open-TV)