UEFA do të shqyrtojë mundësinë e rritjes së numrit të futbollistëve për skuadrat pjesëmarrëse në Europianin 2024, nga 23 që është vendosur aktualisht, në 26.
Ndër emrat që shfaqën edhe publikisht qëndrimin e tyre ishin Gareth Southgate i Anglisë dhe Ronald Koeman i Holandës, të cilët theksuan se kalendari i ngjeshur mund të shkaktojë dëmtime të shumta dhe të penalizojë ekipet në faza të caktuara të Europianit.
Ky vendim do t’i hiqte jo pak dhimbje koke edhe trajnerit të Shqipërisë, Sylvinho, që ka ende shumë dilema dhe me një listë me 26 futbollistë, do të mund të kënaqte thuajse të gjithë, duke i marrë në Gjermani për Euro 2024-ën.
Vlen të theksohet se në Europianin e kaluar, të mbajtur në 2021-shin në Angli, por edhe në Botërorin e Katarit në 2022-shin, skuadrat u përfaqësuan me lista prej 26 futbollistësh./ Supersport /Top Channel