Musa Musai, profesor në Universitetin e Tetovës, është duke realizuar ëndrrën e tij të kahmotshme për të vizituar Andaluzinë, shkruan Open-TV.
Ai ka mbetur i mahnitur me gërshetimin e kulturave në krahinën më jugore dhe më të ngrohtë të Spanjës.
Në një postim në Facebook, profesori Musai ka treguar se Sevilla si kryeqytet i Andaluzisë ofron mundësinë për të parë ate që muslimanët e ngritën dhe më pas e kanë vazhduar krishterët.
Ju ftoj ta lexoni me vëmendje rrëfimin e tij për Sevillën.
Çdo një qytet i Andaluzisë ka rrëfimin e tij për vizitorët e etur kur është në pyetje gërshetimi i dy kulturave që kanë kontribuar në ngritjen e qytetërimit andaluzian.
Sevilja, që paraqet kryeqytetin e Andaluzisë, ofron mundësinë për të parë ate që muslimanët e ngritën dhe më pas e vazhduan të krishterët. Duke nisur nga Xhamia e tani Katedrala e tretë në botë për nga stili gotik arkitekturor, pallati kalifatesk Al Cazar, për të vazhdu me universitetin e Seviljës, e më pas edhe shumë objekte sakrale e profane siç janë hamamet, kopshtet, skulpturat dhe të ngjashme.
Pjesën moderne pa mëdyshje që e përfaqëson sheshi Plaza de Espana, Expo 92, pika vëzhguese e Kristofor Kolombës para se të nisej në udhëtimin e tij eksplorues.
Andaj miq, këtë konsiderojeni si një kontribut modest për të interesuarit ndaj Andaluzisë, e që për ne ka qenë ëndërr e kahmotshme.
Me respekt,
Sevilja, 10.02.2022
