Shkruan: Refik Ajeti
Kemi krijuar një lloj funksionimi të tillë të shoqërisë, që vazhdimisht fajësojmë jetën përse nuk na e jep atë që e dëshirojmë, me mendimin se është gjëja e duhur për t’i qëndruar përballë si fitimtarë kurtheve të jetës që nga fillimi i frymëmarrjes tonë të parë, në vend se të bëhemi të guximshëm t’ia rrëmbejmë nga duart atë për të cilën kemi nevojë në të vërtetë për t’i mposhtur kurthet e jetës që na vijnë çdo ditë drejtë nesh. Fitoret dhe sukseset tona nuk vijnë vetëm si pasojë e dëshirës tonë, nëse sëpari nuk pajisemi me guximin për t’u bërë zotërues të asaj që e posedon jeta, e që vazhdimisht na sfidon neve për t’u pajtuar t’i përshtatemi mendjeprehtësisë së saj, me mendimin që t’i gëzohet faktit se iu nënshtruam dëshirës së saj për të na robëruar dhe t’ia japim komoditetin të na drejtojë drejtë plogështisë shpirtërore, përshtatje e qëllimshme që pastaj të na e jep hapësirën e duhur për ta manipuluar me mënyrat tona diplomatike, që në këtë betejë jeta të detyrohet t’i thotë botës: ky është ai personi i cili më mundi me fuqinë e tij dhe bindjen e tij me përbërje prej çeliku duke më bërë t’i nënshtrohem kërkesave të tij, në vend se të më bindet duke u bërë ai rob i imi. T’i buzëqeshim jetës aq shumë, sa të ndjejë neveri nga vetja kur mundohet të na e kthejë me dëshpërim. Bota nuk është e detyruar të jetë mesazhi që na nevojitet, ne i jemi borxh jetës për një mesazh që i nevojitet asaj. Jeta na vjen me kërkesën për të qenë të maskuar në çdo sferë të jetës, me pretekstin për t’u mbrojtur nga ligësitë e të tjerëve, por qëllimi i vërtetë i saj është të na largojë nga mesazhi Hyjnor, i cili na këshillon që ta themi të vërtetën, qoftë edhe kundër nesh. Jeta, në thelbin e saj na vjen e maskuar, që të ketë mundësi manipulimi me zemrat e ç’orientuara nga mosekzistimi i dëshirave dhe nevojave tona të qarta dhe me vizion Absolut, që si rezultat përfundimtarë na bën të jemi zotërues të jetës, dhe asnjëherë jeta të na zotërojë me dëshirat e saj të gatshme, të cilat në brendësinë e tyre janë krekosje e veteve tona kur arrijmë realizimin e tyre me lehtësi. Heroizmat e gatshme të cilat na i servon jeta, nëse u rrekemi, na bëjnë t’i largohemi piedestaleve që na i ofron zemra e nënshtruar urdhërave të Krijuesit.