Nesër do të zhvillohet finalja e Ligës së kampionëe europian në futboll. Në këtë finale të madhe, e cila do të zhvillohet në “Atatürk Olympic Stadium” (e shtunë, ora 21:00) do të takohen Manchester City dhe Inter Milan, përcjell Open-TV.
Dhe, në Stamboll po qëndron edhe presidenti i FFK-së, Agim Ademi. Ai së bashku me Armando Dukën, kryetarin e FSHF-së dhe anëtarin e KE të UEFA-së, do të marrim pjesë në pritjen dhe darkën solemne të organizuar nga presidenti i Federatës Turke të Futbollit, Mehmet Buyukeksi.
Njoftimi i plotë i presidentit të FFK-së, Agim Ademi:
Nata magjike e futbollit evropian po afron. Emocioni dhe ndjesia që të jep finalja e Ligës së Kampionëve dhe trofeu i kësaj gare elitare nuk kanë krahasim.
Bashkë me presidentin e FSHF-së dhe anëtarin e KE të UEFA-së, Armand Duka, po marrim pjesë në pritjen dhe darkën solemne të organizuar nga presidenti i Federatës Turke të Futbollit, Mehmet Buyukeksi në prag të kësaj finaleje madhështore.
Stambolli gjithmonë ka qenë qytet i emocioneve të pafundme, por kësaj radhe ka marrë ngjyrat e spektaklit dhe është shndërruar në epiqendër të futbollit botëror.
Qyteti tashmë është pushtuar nga atmosfera e tifozëve italianë e anglezë, por jo vetëm, të cilët janë të gatshëm për spektaklin e madh të mbrëmjes së nesërme në “Atatürk Olympic Stadium”.
#BashkëPërFutbollin 🌟⚽️🏆
#UEFA #ChampionsLeague