Shkruan: ETEM XHELADINI
Vallë a janë të gjallë dikun politikëbërsit shqiptar, qoftë pozitë e opozitë, ku është ministri i arsimit, gjoja shqiptar, për këto shumë padrejtësi që po i bëhen arsimit shqip, nxënësve shqiptar, punëtorëve të arsimit shqiptar, edhe ate para opinionit të gjërë.
Po kjo sot që ndodhi në komunën e Butelit në Shkup, me 80-nxënësit shqiptar, të cilëve nuk ju mundësua ti nënshtrohen testit garues nga lënda e matematikës, siç pamë para mediumeve edhe dekleratat e arsimtarëve dhe prindërve se nxënësve shqiptar, se testi fëmijëve të tyre ju ofruan vetëm në gjuhën maqedone, edhe për kundër se ky organizim ishte në mbështetje sipas programit arsimor të Ministrisë së Arsimit të R.Maqedonisë Veriore, të organizuara nga Shoqata e Arsimtareve të Matematikës, e finansuar edhe nga tatim paguesit shqiptar si dhe vetë nxënësit shqiptar që participuan me 500 Den.
Vallë duhet heshtur!
Tani shtrohet pyetja, gjuha shqipe a është zyrtare, a ka dy gjuhësi në R. Maqedonisë Veriut, a ka ndëshkime për ata që shkelin ligjet, nëse kemi shkeljen e ligjit për gjuhën shqipe të garantuara me ligjë.
Po ku janë ata që po derdhin lotë krokodilli për dy dekada, pas konfliktit të 2001-it, se shqiptarët janë të barabart me bashkëqytetarët maqedonasë, me të drejtë për tu arsimuar në gjuhën shqipe.
Këto lëshime, po edhe shumë lëshimet tjera që po ndodhin në çdo hapë kur janë në pyetje shqiptarë, si po i heshtin pa fije turpi politikbërsit shqiptar, të zgjedhurit e popullit siç kanë dëshirë ta quajnë vetin, në vend se të merren me problemet e qytetarëve, me problemet e arsimit, infrastrukturës, problemet e jetës së përditshme të popullatës shqiptare, ata po merren me ate se kushë më parë do të ulet në prehenë të subjekteve politike maqedonase që po menaxhojnë me Qeverin, për të marrë poste, për ti realizuar interesat personale, a njëherit edhe për ti mbuluar aferat korruptive që po i përcjellin për këto dy dekada.
Të bëhet luftë në institucionet për ti realizuar të drejtat e popullatës shqiptare, si për tenderet dhe interesat personale moti kohë do tu zgjidheshin këto probleme.
Me këte avazë siç po veprojnë politikëbërsit, ata që po na përfaqësojnë në institucione, së shpejti do të mbetemi edhe pa nxënës, mjerim!,……
