Argjentina mbrëmë u shpall kampion bote në Katar 2022, pas dramës mbi dramë kundër Francës, pas penalltive 4-2 (3-3, 2-2, 2-0). Festa ishte e madhe në stadium, por edhe rrugëve të Buenos Airesit dhe qyteteve të tjera të Argjentinës, snkruan Open-TV.
Mirëpo, këtu nuk kishte përfunduar festa dhe gëzimi i madh, pasi “gaucosët” kanë pasur tifozë të shumtë nëpër gjithë botën, edhe në Maqedoninë e Veriut, respektivisht në Orizaren e komunës së Likovës.
Njëri nga ata është Jasir Zekiri. Ai për Open-TV rrëfen emocionet e finales, emocione të paharrueshme që kurrë s’do t’i harroj në jetë.
“Emocione dhe shumë stresë kam pasur mbrëmë gjatë ndeshjes finale, por më në fund Messi fitoi titullin kampion bote. Tifoz i Messit jam që nga debutimi i tij me Barcelonën, në fakt kam qenë tifoz i Barcelonës si i vogël, por Messi më ka bërë që ta duam edhe më shumë Barcelonën. Është legjenda e këtij sporti, më i miri ndonjëherë.
Ai thotë se kishte besur në triumfin e Argjentinës. Zekiri thotë se Messi është më i miri në histori të futbollit, duke ia kaluar Peles dhe Maradonës, dy legjendave të topkëmbës.
“Po kam besuar që në fillim. Në fakt kam pasur dëshir që Messi ta fitojë sepse ishte titulli i vetëm që i mungonte. Natyrisht, se po më i miri në histori, pa asnjë pikë dyshimi”, thao Jasir Zekiri.
Argjentina edhe sot feston, feston edhe Messi, feston edhe Jasir Zekiri. /Open-TV/